2008 முதல்
தமிழுக்காக பயணம்

தமிழகப் பெண்கள் செயற்களம் என்ற இந்த அமைப்பு கடந்த 2008 ஆம் ஆண்டு ஏழு பெண்களால் மட்டும் தொடங்கப்பட்டு, இன்று தமிழகத்தின் அனைத்து மாவட்டங்களிலும் வளர்ச்சி பெற்றுள்ள குமூக (சமூக) மாற்றத்திற்கான ஒரு பண்பாட்டு இயக்கமாகும்.

நம் தமிழ் குமுகத்தின் (சமூகத்தின்) மொழியும் வரலாறும் பண்பாடும் அழிந்து கொண்டே வரும் இக்கட்டான சூழ்நிலையில் சிக்கியுள்ளது தமிழகம்.

தன் இன வரலாற்றை மறந்த இனம் வரலாற்றில் மறைந்தே போகும்!

என்பதை எண்ணியே — நம் தமிழ்க் குமுகத்தின் வருங்கால தலைமுறைகள் நம் தமிழ் மொழி, மொழி சார்ந்த மக்கள் நிலங்கள், வளங்கள், பண்பாடு, கலை, அறிவியல், இலக்கணம், இலக்கியம் என அனைத்து நம் அடையாளங்களையும் காத்து நிற்கின்ற தலைமுறைகளாக வளர வேண்டும் என்பதை நோக்கமாகக் கொண்டு செயல்படுகிறது தமிழகப் பெண்கள் செயற்களம்.

அடுத்த நம் தலைமுறை பிள்ளைகளை வளர்த்தெடுக்கும் பொறுப்பிலும் கடமையிலும் இருக்கும் பெண்களால் மிகப்பெரிய குமுக (சமூக) மாற்றத்தை ஏற்படுத்த முடியும் என்ற நம்பிக்கையுடன் செயல்பட்டு வருகிறது தமிழகப் பெண்கள் செயற்களம்.